У Бабруйску невядомы скуралуп перарэзаў горла сабаку, але ён выжыў
12 чэрвеня ў пачатку сёмай вечара ў двары дома №8 па вуліцы Сямёнава ў Бабруйску мясцовая жыхарка гуляла з дзецьмі. Раптам на дзіцячай пляцоўцы яна знайшла сабаку, які паміраў, з перарэзаным у двух месцах горлам. Не разгубіўшыся, жанчына адвезла сабаку ў ветлячэбніцу, дзе сабаку прааперавалі — яго атрымалася выратаваць.
За медыцынскую дапамогу сабаку бабруйчанцы прыйшлося выкласці каля ста рублёў. Адзіны шанец жанчыны атрымаць назад гэтыя грошы ў тым, што зламысніка знойдуць. Тады ў судзе з яго можна будзе запатрабаваць кампенсацыю.
Ветэрынар, які рабіў аперацыю, адзначыў, што раны відавочна рэзаныя, і сам сабе іх сабака зрабіць не мог пры ўсім жаданні. У міліцыі паабяцалі даслаць ўчастковага і разабрацца. У тое, што скуралупа знойдуць, мясцовыя жыхары вераць не надта.
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары