Грамадства44

Ціханоўская пра мужа: Роўна год назад рэжым апошні раз паказаў майго Сяргея

Сяргей Ціханоўскі доўгі час не атрымлівае лістоў, якія пішуць іх дзеці.

Фота: ОСЦ

Святлана Ціханоўская не атрымлівала вестак ад мужа Сяргея Ціханоўскага з таго часу, як год таму было апублікавана відэа з ім, зробленае ў камеры ў Жодзінскай турме.

«Роўна год назад рэжым апошні раз паказаў майго мужа. З таго моманту ні мы — яго сям’я — ні беларусы нічога не ведаем пра Сяргея, — кажа Святлана Ціханоўская. — Яго бесчалавечнае зняволенне доўжыцца ўжо больш за чатыры гады. Маё сэрца разрываецца ад думкі, што ён там адзін. Без магчымасці бачыць, як растуць нашыя дзеткі, як яны вучацца, смяюцца і пазнаюць штосьці новае. Кожны дзень без яго — гэта выпрабаванне, якое немагчыма апісаць словамі.

Месяц таму Карней і Агнія намалявалі і прынеслі са школы паштоўкі да Дня бацькі. Сяргей дагэтуль не атрымаў гэтыя падарункі, як і не атрымаў дзясяткі тысяч вашых лістоў падтрымкі. Мы пазбаўленыя ўсіх магчымасцяў сувязі з Сяргеем, лістоў не атрымліваюць нават нашыя дзеці…

Я падзяляю боль тысячаў сем’яў палітзняволеных — і разумею, што такое чакаць вестачкі ад роднага чалавека. У мяне таксама бываюць моманты, калі ў душы пануюць адчай і бяссілле. Але вашая падтрымка не дазваляе апускаць рукі — і матывуе працягваць працу. Менавіта ў такія моманты я разумею: толькі разам — праз дапамогу адно аднаму — мы можам дамагчыся, каб усе палітвязні апынуліся на волі», — кажа дэмакратычная лідарка.

Святлана Ціханоўскавя зазначае, што кожны можа прыспешыць гэты дзень: «напісаць ліст ці паштоўку, зрабіць данат, выйсці на акцыю салідарнасці, падтрымаць сем’і палітзняволеных. Не бывае маленькай дапамогі: кожны ўчынак набліжае нас да дня, калі мы зможам абняць сваіх родных».

Год таму, у канцы чэрвеня — пачатку ліпеня 2023 года, пачалі распаўсюджвацца чуткі пра смерць Сяргея Ціханоўскага ў турме ў Жодзіна. Пасля таго як Святлана Ціханоўская запатрабавала паказаць мужа, тэлеграм-каналы сілавікоў паказалі відэа, датаванае 5 ліпеня, на якім бачна, як схуднелы Сяргей робіць нейкія практыкаванні ў камеры, а потым есць.

Каментары4

  • Ага
    05.07.2024
    Папараць-кветка, да, тэксцік, які ёй у 2020м напісалі і яна яго завучыла напамяць, даўно не актуальны.
    Што ж яна сама не "напіша ліст ці паштоўку, зробіць данат" мужу ў турму і гэтак далей. Сама ж кажа, што "Сяргей дагэтуль не атрымаў гэтыя падарункі, як і не атрымаў дзясяткі тысяч вашых лістоў падтрымкі".
    То які сэнс паўтараць старую мантру, якая даўно не працуе?
  • нясірога
    05.07.2024
    на відэа не ціханоўскі
  • на зад ?
    05.07.2024
    ці год таму?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Еўрасаюз рыхтуе поўную забарону аперацый з беларускімі банкамі32

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Рутэ: НАТА трэба павялічыць выдаткі на СПА ў пяць разоў2

У мінскай Грушаўцы каля адной з кавярняў заўважылі малпу1

У Расіі прапанавалі адключаць інтэрнэт па начах для павышэння нараджальнасці8

Памёр пісьменнік і разведчык Фрэдэрык Фарсайт1

Каханне, здрада і мядовы месяц. Жанчыну ў Індыі арыштавалі за забойства мужа адразу пасля вяселля2

Гурт «Дразды» пакідае сцэну і вінаваціць у гэтым «гіперактыўных блогераў»10

Дзяржаўныя каналы Беларусі выдаюць сутычкі ў Лос-Анджэлесе за «разгон мітынгоўцаў»5

У Гомелі мужчына дапамог данесці хворага да машыны хуткай дапамогі, а ў працэсе абакраў яго1

РПЦ асвяціла харугву ГУБАЗіКа ФОТАФАКТ4

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі32

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць