Пасол Расіі ў Беларусі Аляксандр Сурыкаў у эфіры тэлеканала «Мір» заявіў, што пастаўкі санкцыйнай прадукцыі ў Расію праз Беларусь не абыходзяцца без расійскага бізнэсу.
Ён падкрэсліў, што гэта расійскія пастаўшчыкі страцілі даходы ад санкцый, якія ўвяла Расія, і большасць парушэнняў прыпадае менавіта на расійскія фірмы.
«Вось як яны атрымліваюць беларускія суправаджальныя дакументы — гэта другое пытанне», — адзначыў Сурыкаў.
Асноўным дасягненнем 26-гадовых дыпламатычных адносін Масквы і Мінска пасол назваў тое, што да стварэння так званай «саюзнай дзяржавы» грамадская думка Беларусі схілялася хутчэй да саюза з Захадам, і менш — з Расіяй. Зараз жа, як лічыць Сурыкаў, сітуацыя змянілася. «На 1 студзеня 2018 года, паводле ацэнак незалежных заходніх экспертных лабараторый, 65% беларусаў хочуць жыць у саюзе з Расіяй, а толькі 20% — з ЕС», — адзначыў пасол.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары