У другім квартале 2017 года сярэдні заробак «на рукі» ў Літве складаў 794 еўра, а ў другім квартале 2018 года — 892 еўра (гэта прыкладна 1063 даляры), піша Delfi.lt
«Цяжка згадаць час, калі заробкі раслі такімі тэмпамі», - сказала дарадца кіраўніка «Содры» (аналаг беларускага Фонда сацыяльнай абароны насельніцтва) Юліта Варанаўскене.
Па дадзеных «Содры», часцей за рост даходаў адчувалі людзі з невялікімі заробкамі. Сцвярджаецца, што заробкі 61% людзей, якія зарабляюць мінімум (400 еўра), павялічыліся больш чым на 10%. Такі рост заробкаў адчулі і 46% людзей з заробкам ад мінімальнага да 794 еўра.
Памер сярэдняга заробку за ліпень у Беларусі будзе агучаны заўтра, 24 жніўня.
За чэрвень ён склаў 953,7 рубля «бруднымі». Пры пераліку на сярэдні курс за чэрвень — гэта 476 даляраў. А чыстымі гэта каля 410 даляраў.
Цяпер чытаюць
У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай16
Каментары