Міліцыя паведаміла, што мінчук прысабечыў у банку чужыя грошы. Але ўсё аказалася не так
У Рэдакцыю «Нашай Нівы» звярнуўся мужчына, якога ў сакавіку 2018 года шукала міліцыя. Ён нібыта прысабечыў памылкова выдадзеныя грошы ў адным з абменнікаў Мінска.
Адбылася справа ў сакавіку.
«Я даведаўся пра гэта, калі мяне выставілі ў інтэрнэт. Сябры ўбачылі і пачалі званіць, — расказаў мужчына, якога зваць Пятро. — Цяпер разбіральніцтва скончанае, прэтэнзій да мяне няма, таму я хачу публічна даць абвяржэнне».
«ГУУС паведаміла, што я нібыта ўзяў 36 тысяч расійскіх рублёў (гэта 1230 беларускіх рублёў на той час — Рэд.). Мяне ў міліцыі раскручвалі: маўляў, аддавай грошы, гэта твой касяк. Але я сказаў, што калі яны мне пакажуць, што я нешта браў — то я вярну.
Рэч у тым, што я нават не расійскія рублі атрымліваў, у мяне мама ляцела за граніцу і я рабіў канверсію ў даляры, і ў руках у мяне былі даляры.
А ў іх ніякіх пацверджанняў не было, хоць там і камеры стаяць — усё толькі са словаў касіркі было. У мяне ж колькі было па чэку, столькі і ў руках», — сказаў мужчына.
Каментары