Кіраўніцтва англійскага «Манчэстэра Юнайтэд» шукае замену трэнера ў выпадку сыходу партугальца Жазэ Маўрынью і ўжо паразмаўляла з французам Зінедзінам Зіданам. Пра гэта паведамляе The Mirror.
На наступным тыдні ў кіраўніцтве клуба разгледзяць пытанне пра будучыню Маўрынью. Паведамляецца, што клуб ужо правёў папярэднюю гутарку з магчымай заменай партугальца - Зіданам.
28 верасня паведамлялася, што ў клубе акрамя кандыдатуры Зідана разглядаюць аргенцінца Маурысіа Пачэціна. У Маўрынью працягваюцца канфлікты з шэрагам гульцоў, што прывяло да расколу ўнутры калектыву.
Да таго ж МЮ не надта ўдала выступае ў сёлетнім сезоне. Пасля 10 гульняў у клуба 10 балаў і 10-е месца ў турнірнай табліцы. Сёння «Юнайтэд» прайграў у гасцях «Вэст Хэму» (1:3).
Зідан у канцы мая пакінуў «Рэал», прывёўшы клуб да трох запар перамогаў у Лізе чэмпіёнаў.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары