Праводзяцца адпаведныя абмежавальныя мерапрыемствы па ўсёй тэрыторыі вобласці і ўздоўж мяжы. Эвакуявана 10 тысяч чалавек.
Ноччу, у 03:30, на 6-м вайсковым арсенале паблізу горада Ічня на Чарнігаўшчыне пачаліся выбухі.
Як паведамляе Генштаб Узброеных сіл Украіны ў фэйсбуку, у сувязі з выбухамі на 6-м арсенале, па ўсёй Чарнігаўскай вобласці ўведзены адпаведныя абмежавальныя меры.
«У 3 гадзіны 30 хвілін паступіла інфармацыя ад начальніка 6-га арсенала, што ў раёне населенага пункта Ічня, Чарнігаўскай вобласці, адбыўся выбух на тэхнічнай тэрыторыі. Маштаб ўдакладняецца. Аператыўна паведамлена ўсім адпаведным службам і органам мясцовай улады. Ажыццяўляецца эвакуацыя людзей. Разгорнуты штаб ліквідацыі надзвычайнага здарэння», — гаворыцца ў паведамленні. «Аператыўная група на чале з начальнікам Генеральнага штаба адправілася на месца здарэння. Праводзяцца адпаведныя абмежавальныя мерапрыемствы па ўсёй тэрыторыі Чарнігаўскай вобласці і ўздоўж мяжы»
Як адзначаюць карыстальнікі сацсетак, выбухі чуваць нават у суседніх Прылуках, што знаходзяцца за 40 кіламетраў ад месца выбухаў. Паведамляецца, што на складах працуюць ратавальнікі.
На месца здарэння выехаў прэм'ер Уладзімір Гройсман.
Надзвичайна подія на Чернігівщині. На місці працює оперативний штаб. Вилітаю туди.
Праз выбухі закрыты рух на шэрагу дарог Чарнігаўшчыны.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне2
Каментары