Эстонская авіякампанія Nordica вырашыла не запускаць авіялінію Талін — Мінск ні ў гэтым, ні ў наступным годзе, паведамляе Err.ee
Пра гэта заявіў кіраўнік прэс-службы фірмы Тоомас Уйба.
Паводле яго слоў, са зменай кіраўніцтва змянілася і асноўная стратэгія прадпрыемства. Зараз увага будзе ўдзяляцца не колькасці, а якасці.
«Мы вялі перамовы аб адкрыцці самых розных новых напрамкаў, у тым ліку і авіялініі Талін — Мінск. Але на сённяшні дзень можна сцвярджаць, што у 2019 годзе мы не адкрыем ніводнай новай авіялініі. Кожны новы напрамак азначае пошук рэсурсаў. І калі гэтым займацца ўвесь час і ў паскораным парадку, то, на жаль, пачынае зніжацца якасць паслуг», - растлумачыў Уйбо.
Пра тое, што Талін і Мінск можа звязаць прамая авіялінія, паведамлялася год таму.
Тоомас Уйба тады казаў, што спрашчэнне візавага рэжыму паміж Беларуссю і Эстоніяй з'яўляецца дадатковым аргументам на карысць патэнцыйнага запуску авіялініі Талін — Мінск.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары