Савет Федэрацыі прапанаваў Радзе бяспекі РФ вызначыць новыя ўмовы прымянення Расіяй ядзернай зброі, пішуць РІА Навіны.
Рэкамендацыі распрацавалі члены камітэта па абароне і бяспецы сумесна з прадстаўнікамі Мінабароны, Генштаба і Рады бяспекі.
Палітыкі і вайскоўцы заклікалі дакладна вызначыць фактары для прыняцця рашэння пра адказ на выкарыстанне праціўнікам гіпергукавай зброі і іншых відаў стратэгічнай няядзернай зброі.
Таксама адзначаецца неабходнасць у распрацоўцы праекта «Нацыянальнай ваеннай стратэгіі».
Сенатары і прадстаўнікі ваенных ведамстваў тлумачаць гэта тым, што ў апошні час павышаецца рызыка вырашэння сусветных, рэгіянальных і лакальных праблем сродкамі ўзброенага гвалту, развязвання буйнамаштабнай вайны з ужываннем звычайных сродкаў паражэння і ядзернай зброі.
Акрамя таго, у свеце з'яўляюцца новыя віды зброі і ваеннай тэхнікі, адбываецца трансфармацыя формаў і спосабаў вядзення баявых дзеянняў, гаворыцца ў рэкамендацыйным дакуменце.
Каментары