А турыстычны сэзон у беларускага аналага Санта-Клаўса і Дзеда Мароза адчыніцца 19 снежня.
Персанаж старажытнаславянскай мiфалогii — бажаство холаду i марозу, якога часта называюць прадзедам Дзеда Мароза, — цяпер зможа расказаць усiм сваiм гасцям, адкуль пайшла традыцыя ўпрыгожваць ёлку напярэдаднi Калядаў i Новага года, якiя цацкi былi ў модзе ў канцы ХІХ i ў сярэдзiне ХХ стагоддзя, якiмi паштоўкамi вiншавалi адзiн аднаго пастаўскiя жыхары на працягу стагоддзя. На тэрыторыi маёнтка з’явiлася экспазiцыя, прысвечаная самаму чароўнаму святу — Новаму году.
У гэтым сезоне турыстам давядзецца расхлёбваць кашу, якую заварылi Зюзя Паазерскi i яго сябры — баба Ганна, цётка Завея, баба Напасця, Ледавiк i Агнявiк. Новая анiмацыйная праграма абяцае здзiвiць турыстаў незвычайнымi персанажамi: кашай i кiпячымi бурбалкамi.
Прадзед Дзеда Мароза будзе частаваць сваiх гасцей гарачай зёлкавай гарбатай з самавара, якi распальваецца дровамi, а таксама блiнамi i пернiкамi, спечанымi па старажытных рэцэптах. У сядзiбе зноў будуць працаваць майстэрнi ганчара i рэзчыка па дрэве. Сувенiр ад Зюзi зможа павезцi любы ахвотны.
Да чарговага турыстычнага сезона, якi адкрыецца 19 снежня, абнавiлася Зюзiна карчма.Тут можна пакаштаваць стравы нацыянальнай кухнi.
Цяпер чытаюць
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ10
Каментары