Міністр абароны Беларусі Андрэй Раўкоў анансаваў магчымыя змены ва ўмовах прадастаўлення адтэрміноўкі ад службы ў арміі, піша БелТА.
«У нас у краіне атрымліваецца, што значная частка насельніцтва краіны, якая павінна выконваць воінскі абавязак, не ўдзельнічае ў абароне ў ваенных адносінах нашай дзяржавы. Па простых разліках, каля 80% маладых людзей не атрымліваюць воінска-ўлiковую спецыяльнасць ва Узброеных сілах пры праходжанні тэрміновай або іншых відаў службы. Гэта ўплывае на стан абароненасці дзяржавы і абараназдольнасці, — сказаў міністр. —
Таму тут мы бачым адзіны шлях — унясенне адпаведных змяненняў у заканадаўства па пытаннях прадастаўлення адтэміноўкі. Вядома, гэта не будзе аб'ёмна і шмат, але з пэўнай ступенню неабходнасці, захаваннем прынцыпаў разумнай дастатковасці і сацыяльнай абароны грамадзян».
«Натуральна, застануцца адтэрміноўкі наконт сямейнага становішча, стану здароўя і па іншых пытаннях. Бо Узброеныя сілы ні ў якім разе не зацікаўленыя ў тым, каб малады чалавек з нейкім захворваннем прызываўся ў армію», — сказаў Андрэй Раўкоў.
Ён дадаў, што змены ўносяцца ў тым ліку для таго, каб матываваць маладых людзей.
«Нядаўна прынята пастанова Міністэрства працы і сацыяльнай абароны — мы дамагліся, каб вайскоўцам тэрміновай службы больш чым у два разы павялічылі грашовае забеспячэнне. Можа быць, гэта мала ў параўнанні з заробкам у IT-сферы, але таксама сур'ёзна і значна ў дзяржаве … Мы таксама займаемся пытаннямі ўладкавання побыту не толькі афіцэраў, прапаршчыкаў, сяржантаў і салдат, якія праходзяць службу па кантракце, але і тэрміновай службы. Зараз гэта ўжо не тая армія, калі служылі бацькі сённяшніх салдат. Гэта іншыя казармы, палігоны і іншае стаўленне да ваеннай падрыхтоўкі. Няма ў нас мноства нарадаў, якія былі раней. І калі некаторыя пішуць, што ў войску траву фарбуюць і толькі лісце прыбіраюць, — гэта няпраўда. Так, вядома, у гаспадарчыя дні чысцяць і прыбіраюць, але ўсё астатняе накіравана на баявую падрыхтоўку. І гэта самае галоўнае», — кажа Андрэй Раўкоў.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары