У Рускай праваслаўнай царкве (РПЦ) назвалі кананічна нікчэмным аб'яднаўчы сабор у Кіеве, які абвясціў пра стварэнне ўкраінскай памеснай царквы, абраўшы яе кіраўніком прадстаўніка УПЦ Кіеўскага патрыярхата Епіфанія. Пра гэта паведамляе «Інтэрфакс».
Намеснік кіраўніка аддзела знешніх царкоўных сувязяў Маскоўскага патрыярхата протаіерэй Мікалай Балашоў назваў сабор «некананічным сходам» пад кіраўніцтвам свецкага чалавека і кіраўніка дзяржавы, «а таксама прыезджага чалавека, які нічога не разумее на мясцовай мове». «Для нас гэта падзея зусім нічога не азначала», — заявіў Балашоў.
Ён дадаў, што не разумее, на што спадзяваліся два архіерэі Украінскай праваслаўнай царквы Маскоўскага патрыярхата, якія прыйшлі на сабор. «Шкада іх усіх. Сумная доля», — адзначыў протаіерэй.
На саборы ў Кіеве створана адзіная Украінская праваслаўная царква і абраны яе кіраўнік
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары