У гісторыі Нямеччыны скончылася цэлая эпоха — эпоха здабычы каменнага вугалю. Немцы заняліся ёю больш за 900 гадоў таму, у 19-м стагоддзі вугаль і сталь Рурскай вобласці забяспечылі індустрыяльную і ваенную моц Германскай імперыі, пасля Другой сусветнай вайны шмат у чым дзякуючы вугалю адраджалася заходняя частка краіны і пачынаўся працэс эканамічнай інтэграцыі Еўропы, піша DW.
І вось адна з найважнейшых у мінулым галін нямецкай эканомікі спыніла сваё існаванне. 21 снежня 2018 года ўвойдзе ў гісторыю Нямеччыны як той дзень, калі ў былым шахцёрскім мястэчку Ботрапе ўрачыста закрылася самая апошняя ў краіне вугальная шахта Prosper-Haniel. З гэтага часу ў Нямеччыне каменны вугаль з-пад зямлі больш не здабываюць. Захавалася толькі здабыча бурага вугалю адкрытым спосабам у кар'ерах і разрэзах.
Сярод вялікіх еўрапейскіх вугальных дзяржаў Германія ў справе згортвання гэтай традыцыйнай галіны зусім не першапраходзец. У Бельгіі апошнюю шахту закрылі яшчэ ў 1992 годзе, у Францыі — у 2004-м, у Вялікабрытаніі — у 2015-м. Ва ўсіх гэтых краінах здабычу каменнага вугалю спынялі па эканамічных прычынах. Адмова ад яго з экалагічных меркаванняў (абарона насельніцтва ад смогу, а глабальнага клімату — ад выкідаў парніковых газаў) — тэндэнцыя толькі самага апошняга часу.
Вось і ў Нямеччыне шахцёры яшчэ паўстагоддзя таму пачалі губляць працу не з-за барацьбы супраць забруджвання навакольнага асяроддзя, а з-за зніжэння канкурэнтаздольнасці нямецкага каменнага вугалю. Яго, з аднаго боку, усё больш выціскалі іншыя энерганосьбіты — нафта, газ, ядзернае паліва, з іншага боку — імпартны вугаль з краін з больш таннай працоўнай сілай, больш нізкімі стандартамі тэхнікі бяспекі і/або з адкрытым спосабам здабычы.
У выніку з 1960 па 1980 году колькасць шахтаў у Нямеччыне скарацілася са 146 да 39, а да 2000 года дажылі толькі 12. Адпаведна, колькасць нямецкіх шахцёраў, якія складалі ў 1957 годзе каля 610 тысяч чалавек (тады былі здабытыя рэкордныя амаль 150 мільёнаў тон вугалю), у 1994 годзе ўпершыню ўпала ніжэй за адзнаку 100 тысяч чалавек, а ў першым дзесяцігоддзі 21-га стагоддзя скарацілася прыкладна да 30 тысяч. Апошнія тры гады ў Германіі працавалі 2 шахты, на якіх каля 4,5 тысячы гарнякоў здабывалі каля 4 мільёнаў тон у год.
Друкуецца ў межах спецыяльнай рубрыкі «Навіны Германіі»
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка3
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары