На 1 студзеня 2019 года Украіна сфармавала золатавалютныя рэзервы ў памеры больш за 20 мільярдаў даляраў.
Пра гэта паведаміў прэм'ер-міністр Уладзімір Гройсман, адкрываючы першае ў гэтым годзе пасяджэнне Кабінета міністраў.
«2018 год мы прайшлі годна, хоць у нас застаецца шмат праблем», — сказаў ён.
«На 1 студзеня 2019 года мы змаглі сфармаваць нацыянальныя рэзервы — больш за 20 мільярдаў даляраў. Гэта самы вялікі, рэкордны паказчык за папярэднія 5 гадоў», — заявіў Гройсман.
У апошні раз золатавалютныя рэзервы Украіны знаходзіліся на такім высокім узроўні ў канцы 2013 года, пасля чаго пачалі скарачацца, апусціўшыся да 5,6 мільярда даляраў у сакавіку 2015 года. Пасля гэтага пачалося іх паступовае павелічэнне.
Максімальнае значэнне золатавалютных рэзерваў Украіны назіралася ў маі 2011 года — 38,3 мільярда даляраў.
Цяпер чытаюць
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары