Аляксандр Кірылаў (Алекс Леслі), Настасся Вашукевіч (Насця Рыбка) і яшчэ шэсць абвінавачаных па справе аб нелегальным сэкс-трэнінгу ў Тайландзе прызналі сябе вінаватымі ў судзе горада Патая. Абвінавачаныя былі прысуджаныя да ўмоўных тэрмінаў зняволення і фактычнага зняволення, роўнага ўжо адбытаму тэрміну, што склаў 9 месяцаў знаходжання ў следчай турме, піша ria.ru.
Суд Патаі прымае меры з мэтай спрыяць хутчэйшай дэпартацыі асуджаных у Расію і Беларусь.
Леслі, Рыбка і астатнія абвінавачаныя былі арыштаваныя ў адной з гасцініц Патаі ў лютым мінулага года падчас правядзення «сэкс-трэнінгу». Першапачаткова іх абвінавацілі ў арганізацыі нелегальнага трэнінгу і парушэнні працоўнага заканадаўства Тайланда. Затым у красавіку суд зняў з іх гэтыя абвінавачванні ў сувязі з хуткім уступленнем у сілу паправак да тайландскага закона аб працы, якія адмяняюць крымінальны пераслед за арганізацыю семінараў і трэнінгаў без належнага афармлення дазволаў і апавяшчэння ўладаў.
Аднак пакуль суд разглядаў «першую» справу ў дачыненні да арыштаваных, у паліцыю паступілі заявы, у якіх удзельнікі групы Леслі абвінавачваліся ў стварэнні на тэрыторыі Тайланда тайнай злачыннай супольнасці і прадастаўленні паслуг сэксуальнага характару ў складзе злачыннай групы. Пасля разгляду заяў і папярэдняга следства пракуратура склала абвінаваўчае заключэнне па новых абвінавачваннях і перадала яго ў суд.
Галыгіна прымусілі апраўдвацца за зварот да сілавікоў у 2020-м17
Каментары