Alaksandr Kiryłaŭ (Aleks Leśli), Nastaśsia Vašukievič (Naścia Rybka) i jašče šeść abvinavačanych pa spravie ab nielehalnym seks-treninhu ŭ Tajłandzie pryznali siabie vinavatymi ŭ sudzie horada Pataja. Abvinavačanyja byli prysudžanyja da ŭmoŭnych terminaŭ źniavoleńnia i faktyčnaha źniavoleńnia, roŭnaha ŭžo adbytamu terminu, što skłaŭ 9 miesiacaŭ znachodžańnia ŭ śledčaj turmie, piša ria.ru.
Sud Patai prymaje miery z metaj spryjać chutčejšaj departacyi asudžanych u Rasiju i Biełaruś.
Leśli, Rybka i astatnija abvinavačanyja byli aryštavanyja ŭ adnoj z haścinic Patai ŭ lutym minułaha hoda padčas praviadzieńnia «seks-treninhu». Pieršapačatkova ich abvinavacili ŭ arhanizacyi nielehalnaha treninhu i parušeńni pracoŭnaha zakanadaŭstva Tajłanda. Zatym u krasaviku sud źniaŭ ź ich hetyja abvinavačvańni ŭ suviazi z chutkim ustupleńniem u siłu papravak da tajłandskaha zakona ab pracy, jakija admianiajuć kryminalny pieraśled za arhanizacyju sieminaraŭ i treninhaŭ biez naležnaha afarmleńnia dazvołaŭ i apaviaščeńnia ŭładaŭ.
Adnak pakul sud razhladaŭ «pieršuju» spravu ŭ dačynieńni da aryštavanych, u palicyju pastupili zajavy, u jakich udzielniki hrupy Leśli abvinavačvalisia ŭ stvareńni na terytoryi Tajłanda tajnaj złačynnaj supolnaści i pradastaŭleńni pasłuh seksualnaha charaktaru ŭ składzie złačynnaj hrupy. Paśla razhladu zajaŭ i papiaredniaha śledstva prakuratura skłała abvinavaŭčaje zaklučeńnie pa novych abvinavačvańniach i pieradała jaho ŭ sud.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary