У Тураве 12-гадовы хлопчык абакраў мясцовую царкву «Храм Усіх Святых». Здарэнне адбылося 18 студзеня, паведамляе абласная міліцыя.
Ён узламаў унутраны замок у кацельні, пасля чаго змог прайсці да алтара і далей у малітоўную залу. У выніку знік абразок у драўлянай рамцы, а таксама былі ўскрыты дзве скрынкі для ахвяраванняў.
Супрацоўнікі міліцыі спачатку падумалі, што крадзеж мог здзейсніць дарослы пад уздзеяннем алкаголю. Але рэальнасць была іншай — злачынства здзейсніў 12-гадовы падлетак, які жыве недалёка ад царквы. Хлопцу спатрэбіліся грошы, і ён не прыдумаў нічога лепшага, як залезці ў храм.
Прычым узяў 15 рублёў паперкамі, а дробязь манеткамі браць не стаў. Абразок царкоўнаслужыцелі ацанілі ў 10 рублёў.
З хлопчыкам будзе праводзіцца індывідуальна-прафілактычная работа. Таксама ёсць падставы для разгляду пытання аб яго накіраванні ў спецыяльныя вучэбна-выхаваўчую ўстанову закрытага тыпу, паведамляе міліцыя.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары