У студзені ў Венесуэлу здзейсніў два рэйсы расійскі грузавы самалёт Boeing 757, які даставіў у Каракас валюту, атрыманую пасля продажу венесуэльскага золата, паведамляе расійская «Новая газета».
Самалёт вывозіў з Расіі венесуэльскае золата, якое затым абменьвалася на гатоўку ў ААЭ, пасля валюта дастаўлялася ў Каракас.
Першы рэйс здзейснілі 18-19 студзеня. Загружаны золатам Boeing 757 вылецеў з Масквы і спярша прызямліўся ў аэрапорце Дубая, дзе яго сустракалі інкасатарскія браневікі Цэнтрабанка ААЭ.
Затым лайнер узяў курс на Каракас з прамежкавай пасадкай у мараканскім горадзе Агадзір. У Маскву ён вярнуўся 23 студзеня тым жа шляхам.
Другі раз гэта паветранае судна прыляцела ў Каракас 30 студзеня з той розніцай, што пасля Дубая былі дзве прамежкавыя пасадкі — у мараканскай Касабланцы і горадзе Эшпаргуш у Каба-Вердэ.
Цяпер чытаюць
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча17
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары