Магілёвец скраў машыну, паехаў на ёй да сваяка, а калі аўто захраснула ў снезе, кінуў яго
Магілёвец знайшоў ключ ад машыны і скраў яе. Раніцай 6 лютага ў міліцыю паступіла паведамленне ад жыхара Магілёва пра тое, што з 21.30 5 лютага да 6.40 6 лютага ад дома на праспекце Шміта скралі яго аўтамабіль «Фіят Добла».
Падазраванага высветлілі на працягу сутак. Ім аказаўся 43-гадовы магілёвец, які напярэдадні каля пад'езда знайшоў ключ ад машыны, згублены аўтаўладальнікам. Знайсці адпаведны аўтамабіль на стаянцы было не цяжка. Агледзеўшы яго, ён забраў магнітолу і дамкрат. А раніцай вырашыў з'ездзіць да сваяка ў Магілёўскі раён.
Прабыўшы ў яго цэлы дзень, вечарам ён сабраўся назад, аднак захрас у снезе і, не здолеўшы выехаць, кінуў машыну. Аўтаспынам вярнуўся ў горад, дзе яго затрымалі праваахоўнікі.
Машыну вярнулі ўладальніку. Распачалі крымінальную справу.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары