Горад Фек'ер з 1500 жыхарамі стаміўся ад сабачага брэху і мэр выпусціў муніцыпальны ўказ, які забараняе сабакам занадта доўга брахаць. Пра гэта паведамляе выданне Leparisien.
Згодна з новымі правіламі, уладальнікі не могуць пакідаць сваіх жывёл у закрытым памяшканні без нагляду — таму што ў такім выпадку няма каму іх супакоіць. У дакуменце адзначаецца, што ўладальнік сабакі павінен у любы час спыніць працяглы або паўторны брэх сваёй жывёлы.
Такую забарону вырашылі ўвесці з-за сабак, якія ўжо шмат гадоў «робяць жыццё мясцовых жыхароў невыносным дзень і ноч». «Вядома, мэта не забараніць сабак, але калі мы вырашаем іх мець, мы іх выхоўваем», — кажа мэр.
Адзначаецца, што штраф за доўгі брэх дасягае 68 еўра.
У сваю чаргу, барацьбіты за правы жывёл ужо раскрытыкавалі забарону. «З такім жа поспехам можна забараніць перазвон царкоўных званоў па нядзелях. Пашча ёсць у сабак, каб брахаць», — заяўляе адзін з актывістаў. Абаронцы плануюць абскардзіць забарону ў судзе.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары