Тэлеканал RTVI узяў інтэрв’ю ў праўладнага палітолага Аляксандра Шпакоўскага. Некалі ён быў у апазіцыйным «Правым альянсе» і ахоўваў Аляксандра Мілінкевіча, а ў выніку зблізіўся з «еўразійцамі». Цяпер яго звязваюць са структурамі Міністэрства ўнутраных спраў.
У Шпакоўскага спыталі, ці ёсць пагроза ў акупацыі Беларусі Расіяй. Вось што на гэта адказаў ён:
«Я наўрад ці думаю, што ў Расіі нехта ўсур’ёз, апроч маргінальных вялікадзяржаўных чарнасоценцаў, не прадстаўленых на дзяржаўным узроўні, плануюць акупацыю Беларусі. Безумоўна, расійскай палітычнай эліце хацелася б атрымаць большы палітычны і эканамічны кантроль. Гэтыя патрабаванні даўно выказваліся. Мы не пайшлі на гэта і па сёння не ідзем.
Што тычыцца паглынання, то я не думаю, што гэта рэалістычна. Расіі, безумоўна, патрэбны голас у ААН. Расіі патрэбен саюзнік у Еўропе. Я не бачу прычын ісці на абвастрэнне.
Калі раптам у Расіі ва ўладзе апынуцца шалёныя людзі, у чым я сумняюся, то яны сутыкнуцца з вельмі сур’ёзным супрацівам у Беларусі. І гэта будуць не толькі беларускія нацыяналісты. Гэта будуць усе тыя, каму беларуская дзяржаўнасць дарагая.
Усе сацыялагічныя апытанні, ад афіцыйных да паўлегальных, паказваюць, што пераважная большасць (каля 60%) выступаюць за саюз з Расіяй, але з захаваннем уласнай дзяржаўнасці. Пазіцыю ўваходжання падтрымлівае 2-3% насельніцтва.
Пры гэтым абараняць краіну ад знешняга ўварвання гатовыя да 30% насельніцтва, а больш за 20% гатовыя са зброяй у руках абараняць краіну ў выпадку недружалюбных паводзін нашых усходніх суседзяў. Але гэтую магчымасць рашуча адкідваю, такога не можа быць».
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць16
Каментары