Нядаўна ў сеціве адшукаўся відэазапіс жорсткай бойкі паміж беларускімі дзяўчатамі. Са словамі «на калені, с**а!» адна з «гераінь» жорстка збівае рукамі і нагамі сваю ахвяру. Адбываецца ўсё ў нейкім пад’ездзе.
«Наша Ніва» даведалася падрабязнасці здарэння.
Было гэта ў пачатку лютага. Ахвяра на відэа — мінчанка Сабрына.
Каб разабрацца з Сабрынай, прыехалі дзве дзяўчыны з Брэста: Аліна і Наста. Першая збівала, другая здымала.
Па версіі яе агрэсіўных сябровак, бойка адбылася не проста так, а «за справу». Маўляў, Сабрына атрымала за доўгі язык. Яна нібыта нагаварыла гадасцяў пра маці адной са сваіх знаёмых, назвала яе маці «шлюхай». Але тая дзяўчына, пра маці якой прагучалі абразы, была сіратой, таму за яе ўступілася іншая сяброўка.
Гэтая сяброўка прапанавала Сабрыне «выйсці адзін на адзін». Тая пагадзілася.
Натоўпам Сабрыну ніхто не біў, сцвярджае відавочца, усё было «адзін на адзін».
Гэта адна версія здарэння. Маці Сабрыны ведае пра гісторыю, але не захацела патлумачыць, ці звярталася сям'я ў міліцыю. «Наша Ніва» звязалася з самой Сабрынай, але дзяўчына адмовілася каментаваць бойку.
Аднак ёсць запіс дыялога з сасцетак, дзе ў пацярпелай пытаюцца пасля бойкі, ці мае яна нейкія прэтэнзіі. Сабрына адказвае, што не мае.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары