21 лютага ў Барселоне і іншых каталонскіх гарадах праходзіць маштабная акцыя пратэсту прыхільнікаў незалежнасці Каталоніі, паведамляе Reuters.
24-гадзінная ўсеагульная забастоўка арганізавана прафсаюзамі рабочых і студэнтаў, якія падтрымліваюць аддзяленне ад Іспаніі. Пратэстоўцы выступаюць супраць судовага працэсу над лідарамі мясцовых сепаратыстаў.
Яны патрабуюць ад уладаў вызваліць 12 каталонскіх палітыкаў, якіх Іспанія абвінавачвае ў падбухторванні да бунту і марнаванні дзяржаўных сродкаў. Іх справы цяпер знаходзяцца на разглядзе ў Вярхоўным судзе Іспаніі.
Падчас маршу цэнтральнымі вуліцамі Барселоны некалькі тысяч пратэстоўцаў скандавалі «Незалежнасць, незалежнасць» і «Прэч, акупацыйныя войскі».
Каментары