Штогод на аднаго дзяржаўнага абвінаваўцу прыходзіцца ў сярэднім 220 спраў (каля 3 у дзень). Агулам з удзелам пракурораў у гэтым годзе было разгледжана каля 64 тыс. крымінальных спраў.
Начальнік аддзелу падтрымкі дзяржаўнага абвінавачання Генеральнай пракуратуры Сяргей Целяжэвіч у інтэрв’ю БЕЛТА распавёў пра колькасць і якасць працы дзяржаўных абвінаваўцаў.
Пачынаючы з 2001 году, згодна новага заканадаўства, пракуроры абавязаныя прысутнічаць у судах пры разглядзе ўсіх катэгорый крымінальных спраў. За гэты час
колькасць разгледжаных у судах з удзелам пракурораў крымінальных спраў вырасла з 35 тысяч да 66 тысяч. У сярэднім на аднаго дзяржаўнага абвінаваўцу прыходзіцца ў каля 220 спраў — каля 3 у дзень. На сёння ў судах працуе 302 дзяржаўныя абвінаваўцы, што ў 3,5 разы менш, чым суддзяў, што маюць права разглядаць крымінальныя справы.У выніку даводзіцца прыцягваць да ўдзелу пракурорскіх супрацоўнікаў з іншых галінаў, што непазбежна ўплывае на якасць працы дзяржаўнага абвінавачання. Пракуратура неаднаразова рабіла і робіць спробы, у тым ліку і на заканадаўчым узроўні, зменшыць нагрузку на пракурораў у судзе. У пракуратуры спадзяюцца, што нескладаныя справы, якія не выклікаюць сумневаў у вінаватасці падсуднага, будуць адбывацца па магчымасці без удзелу пракурораў. На думку Сяргея Целяжэвіча, гэта дазволіла б паскорыць судовы працэс ды зэканоміць дзяржаўныя сродкі. Акрамя таго, упэўнены ён,
«у абвінавачаных з’явіўся б большы стымул да прызнання сваёй віны і больш шчырай пазіцыі ў судзе».Паводле начальніка аддзелу, да такіх спраў адносіцца прыкладна кожная чацвёртая.
Кажучы пра якасць пракурорскай працы ў судах, С. Целяжэвіч паведаміў, што толькі палова беларускіх судоў выдзеліла пракурорам асобныя працоўныя памяшканні.
Колькасць апраўдальных прысудаў складае толькі 0,26 % ад агульнага аб’ёму прысудаў – 153 за апошнія 11 месяцаў. З іх 24 прысуды былі адмененыя. «Гэта гаворыць аб тым, што якасць следства знаходзіцца на высокім узроўні, расследаванне праводзіцца аб’ектыўна, збіраюцца неабходныя доказы»– кажа пракурор.
Ставіць пытанне Гепракуратура і пра індывідуалізацыю пакаранняў. Сёння за паўторны выпадак хабарніцтва чалавека чакае турэмнае зняволенне тэрмінам ад 6 гадоў. Але гэта можа быць сітуацыя, калі ў абодвух выпадках хтосьці атрымаў па $10, а некага могуць злавіць і на $10 тыс., тлумачыць начальнік аддзелу. Цяпер пры ўдзеле дзяржаўных абвінаваўцаў праблема пачала вырашацца.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары