Кандыдат у прэзідэнты Украіны Уладзімір Зяленскі лічыць, што пытанне пра рух Украіны ў Еўрасаюз трэба вырашаць на рэферэндуме.
Пра гэта ён сказаў у інтэрв'ю замежным журналістам.
«Адзін з галоўных прынцыпаў нашай праграмы і ўнутраных прынцыпаў — гэта «народаўладдзе», таму што павінен быць рэферэндум, украінцы павінны вырашаць, куды яны ўступаюць, у той ці іншы саюз», — заявіў Зяленскі.
У той жа час, паводле яго слоў, украінскі народ ужо зрабіў свой выбар, і гэта — еўраінтэграцыя.
«Асабіста маё меркаванне — я б хацеў, каб Украіна была краінай у Еўрасаюзе і ў НАТА, але я ўпэўнены, што гэта сур'ёзныя пытанні… і гэта пытанні да ўкраінцаў», — падсумаваў ён.
Таксама ён лічыць, што замацаваны нядаўна ў Канстытуцыі шлях Украіны ў ЕС — не больш чым перадвыбарная тэхналогія.
Каментары