«Несмяротны полк» у Мінску сабраў удвая менш людзей, чым летась ФОТАРЭПАРТАЖ
Прарасійскія актывісты адзначылі Дзень Перамогі асобнай калонай. Каля 700 чалавек сабраліся на плошчы Перамогі з партрэтамі сваіх сваякоў-ветэранаў, але таксама з выявамі Сталіна.
Прарасійскія актывісты адзначылі Дзень Перамогі 2019 года асобнай калонай. Многія з іх трымалі партрэты савецкага дыктатара Іосіфа Сталіна.
Каля 700 чалавек сабраліся ля дома Першага з'езда РСДРП на плошчы Перамогі.
Чытайце таксама: У Крамлі заўважылі адмовы ў правядзенні «Несмяротнага палка» ў Беларусі і Казахстане
У некаторых з удзельнікаў «Несмяротнага палка» на грудзях — георгіеўскія стужкі. Іншыя прынеслі сцяжкі беларускіх дзяржаўных колераў.
Летась «Несмяротны полк» прайшоў ад філармоніі на плошчы Якуба Коласа да плошчы Перамогі.
Тады на яго сабралася 1500 чалавек. Былі людзі з партрэтамі Сталіна, у майках «ДНР» і «Ветлівыя людзі». Фактычна, гэта была найбуйнейшая вулічная акцыя «рускага свету» за апошняе дзесяцігоддзе.
Сёлета «Полк» сабраў прыкладна ўдвая менш удзельнікаў, чым летась.
Чытайце таксама: Шэсце «Несмяротнага палка» не дазволілі, але сабрацца ля доміка РСДРП можна
«Несмяротны полк» — гэта акцыя, якая нарадзілася ў глыбінцы Расіі, калі людзі сталі выходзіць на 9 мая з партрэтамі сваякоў, што загінулі ў часы Другой сусветнай вайны. Праўда, потым добрую па пасыле акцыю перахапіла расійская прапаганда. У выніку «Несмяротны полк» пераўтварыўся ў дэманстрацыю сілы «рускага свету».
Каментары