Свет2121

Вынікі прэзідэнцкіх выбараў у Літве: розніца паміж кандыдатамі склала 0,18%

Будзе другі тур з закручанай інтрыгай. 

Гітанас Наўседа і Інгрыда Шыманіце, 15min.lt

12 мая ў Літве прайшоў першы тур прэзідэнцкіх выбараў і два рэферэндумы (аб скарачэнні колькасці дэпутатаў і пашырэнні падвойнага грамадзянства). Зараз ідзе падлік галасоў.

Пасля падліку галасоў на 1 972 участках перамагае кансерватар Інгрыда Шыманіце — 31,13%, эканаміст Гітанас Наўседа — 30,95%, прэм'ер Саўлюс Сквярняліс — 19,72%.

Прычым Шыманіце скараціла адставанне і ўпэўнена абагнала Сквярняліса, бо пасля вынікаў на першых участках прэм'ер перамагаў з вынікам ледзь не 5%.

Наўседа — другі злева, Сквярняліс — трэці, Шыманіце — чацвертая, 15min.lt

Сацыял-дэмакрат Віцяніс-Повілас Андрукайціс набірае 4,79%, філосаф, адзін з заснавальнікаў «Саюдзіса» Арвідас Юозайціс — 4,69%, лідар Выбарчай акцыі палякаў Літвы Вальдэмарас Тамашэўскі — 4,00%, Mіндаўгас Пуйдокас — 2,58%, Нагліс Пуцейкіс — 0,79%, Валянцінас Мазуроніс — 0,65%. 

Яўка на выбарах склала 56%

Вынікі крыху сенсацыйныя, бо папярэднія апытанні аддавалі першае месца Шыманіце. А Сквярняліс толькі нядаўна меў, паводле тых жа апытанняў, усяго 16%.

15min.lt

Гітанасу Наўседу — 55 гадоў, ён вядомы банкір і эканамічны дарадца. Быў дарадцам прэзідэнта Валдаса Адамкуса (2004—2009), галоўны эканаміст банка SEB. Наўседа — жанаты, у яго дзве дачкі.

15min.lt

Інгрыдзе Шыманіце — 45, яна была міністрам фінансаў у 2009—2013 гг., затым намеснікам старшыні Банка Літвы. Кандыдат ад Саюза Айчыны — хрысціянскіх дэмакратаў. Не замужам, дзяцей няма. Выйграла праймерыз у дыпламата Вігаўдаса Ушацкаса з вынікам 78%.

Cквярняліс, першыя гадзіны пасля пачатку падліку галасоў свяціўся ад шчасця, але нешта пайшло не так, 15min.lt

Саўлюсу Сквярнялісу — 48. З адукацыі ён інжынер-матэматык, але вырашыў зрабіць паліцэйскую кар'еру. Прайшоў усе прыступкі: ад дарожнага інспектара ў Тракаі да генеральнага камісара паліцыі і міністра ўнутраных спраў. Яго партыя «Саюз зялёных і сялян» у 2016 г. выйграла выбары, і Сквярняліс узначаліў урад. Саўлюс жанаты, у яго дачка і сын.

Сквярняліс паабяцаў, што калі не пройдзе ў другі тур, то падасць у адстаўку і з пасады прэм'ера.

Сквярняліс затым позна ўвечары прызнаў, што не прайшоў у другі тур.

Даля Грыбаўскайце адбыла два тэрміны, таму балатавацца не магла.

У Літвы будзе новы прэзідэнт. Сёння там выбары, і ёсць інтрыга, вартая добрага дэтэктыва

Другі тур — 26 мая, у гэты ж дзень пройдуць выбары ў Еўрапарламент.

Каментары21

Цяпер чытаюць

Беларуска расказвае, як з 15 гадоў жыве з шызафрэніяй

Беларуска расказвае, як з 15 гадоў жыве з шызафрэніяй

Усе навіны →
Усе навіны

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў36

Вярхоўны лідар Ірана Хаменеі заклікаў да рашучых дзеянняў у дачыненні да Ізраіля

Пяць гадоў таму затрымалі Віктара і Эдуарда Бабарыкаў

Беларускі спецыяліст дапамог «Фларыдзе» другі год запар стаць уладальнікам Кубка Стэнлі2

ЗША прывялі войскі на Блізкім Усходзе ў павышаную гатоўнасць пасля экстраннай нарады Трампа з генераламі

Нечаканая зброя супраць раку — супрацьзапаленчыя прэпараты2

У Мінску пахавалі як ахвяр нацызму 75 чалавек, парэшткі якіх знайшлі каля былой дачы Цанавы. Але больш падобна, што гэта ахвяры саветаў19

400 балаў на ЦТ і ЦЭ атрымалі адразу дзве дзяўчыны з Ліды1

Сацыяльныя сеткі робяцца галоўнай крыніцай навін, і гэта выгадна палітыкам-папулістам1

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць