Памёр Grumpy Cat. Пра гэта паведамілі яго гаспадары праз афіцыйны акаўнт ката ў твітары. Гэта была кошка, і ёй было сем гадоў.
«Яна спакойна памерла дома на руках у сваёй мамы Табаты раніцай у аўторак, 14 мая», - гаворыцца ў публікацыі. Гаспадары кошкі падкрэслілі, што Grumpy Cat «дапамагла мільёнам людзей па ўсім свеце ўсміхацца нават у самыя цяжкія часы».
Жывёла памерла ад ускладненняў, выкліканых інфекцыяй мочавыводных шляхоў.
Гісторыя «Сярдзітай кошкі» распачалася 22 верасня 2012 г., калі карыстальнік «Каталіядзіс» выклаў у блогі Reddit фатаграфіі сваёй кошкі, якая адрозніваецца вельмі неардынарнай знешнасцю.
Выраз твару жывёлы быў такі, што здаецца, што яна чымсьці незадаволена. Спачатку карыстальнікі ў каментарах меркавалі, што гэта вынік фоташопа. Усе сумненні блогераў зніклі, калі гаспадар выклаў відэа на Youtube. Кошка атрымала мянушку Grumpy Cat (сярдзіты ці сварлівы) і хутка стала героем разнастайных мемаў.
Сапраўднае імя жывёлы — Соўс Тартар (Tardar Sauce), або скарочана Тард'ё. Прычынай незвычайнага вонкавага выгляду стаў ген карлікавасці, хоць бацькі Тард'ё — самыя звычайныя кот і кошка.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы80
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары