Пра гэта карэспандэнту БЕЛТА паведамілі ў прэс-службе УКДБ.
«Упраўленне КДБ па Мінску і Мінскай вобласці ў 2008 годзе прыцягнула ў эканоміку Br14,5 млрд. інвестыцый. Пра гэта карэспандэнту БЕЛТА паведамілі ў прэс-службе УКДБ.
Спрыяючы выкананню прынятай на III Усебеларускім народным сходзе праграмы сацыяльна-эканамічнага развіцця краіны да 2011 году, рэалізацыі шэрагу дзяржаўных праектаў і дапамогі айчынным вырабнікам упраўленнем КДБ па Мінску і Мінскай вобласці прыцягнута Br14,5 млрд інвестыцый, прадухілена нанясенне эканамічнае шкоды дзяржаве на суму каля Br1,5 трлн, вернута ў даход дзяржаве Br8,2 млрд, — адзначылі ў ведамстве».
Гэта не кепікі. Гэта цытата з сённяшняга паведамлення агенцтва БЕЛТА. З нагоды (!) 91-й гадавіны ўтварэння Ўпраўлення КДБ па Мінску і Мінскай вобласці.
Дарэчы, з яго можна даведацца, што гордыя нашчадкі традыцый 1918 і 1937 гадоў — а ганарацца ж, раз не ўстыдаюцца выводзіць свой радавод ад ЧК і НКВД — не толькі ў бізнэсе далі жару, але і правялі «агляды-конкурсы кулінарнага майстэрства» ды іншае ды іншае.
Адным словам, калі верыць акулам пяра ад прэс-службы ГБ, сядзяць у завулку Казлова на ўсе рукі майстры.
Цяпер застаецца, каб дзеля росквіту краінавага маркетынгу сп.Раманчук параіў лорду Бэлу распаўсюдзіць гэтае паведамленне на свет цэлы. Інвестары ў чаргу ўстануць каля заходніх варотаў нашай еўрапейскае бацькаўшчыны. Будуць прасіцца таксама ўнесці лепту ў выкананне рашэнняў Усебеларускага народнага сходу.
Каментары