У Мінску п'яная маці ўдарыла сына кубкам і стала фігуранткай справы
Пракуратура Савецкага раёна Мінска распачала крымінальную справу супраць 33-гадовай мінчанкі, якая ўдарыла кубкам па галаве свайго 17-гадовага сына.
Маці і сын пражываюць у адной кватэры сумесна з бабуляй. У той дзень у гасцях у хлопца была яго дзяўчына. Паміж маці і сынам адбыўся канфлікт, прычыну якога падазраваная так і не змагла ўспомніць. Жанчына была п'янай. Маці нанесла сыну два ўдары кубкам у вобласць галавы, чым нанесла цялесныя пашкоджанні.
Пасля канфлікту пацярпелы адправіўся да суседкі, дзе яму і выклікалі хуткую дапамогу. Хлопца адвезлі ў бальніцу, ён праходзіў лячэнне.
Пракуратура звярнула ўвагу на той факт, што пацярпелы знаходзіцца ў залежным становішчы ад маці і з-за ўзросту не здольны самастойна абараніць свае правы і законныя інтарэсы.
Пракуратура накіравала справу ў Савецкі раённы аддзел Следчага камітэта.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў31
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары