Беларусь і Расія знайшлі разуменне па большасці пытанняў інтэграцыйнага парадку ў Саюзнай дзяржаве, паведаміў прэм'ер-міністр Сяргей Румас сёння на сустрэчы са старшынёй урада Расіі Дзмітрыем Мядзведзевым, перадае БелТА.
«Нашы калегі за гэты час правялі шэраг прадуктыўных сустрэч. У суботу (15 чэрвеня) нашы дзве перагаворныя каманды цэлы дзень прысвяцілі абмеркаванню пытанняў. Большасць з іх знайшло разуменне ў абодвух бакоў, засталіся нейкія моманты, якія мы сёння павінны абмеркаваць», — сказаў Сяргей Румас.
Дзмітрый Мядзведзеў пацвердзіў, што з моманту апошняй сустрэчы кіраўнікоў урадаў зроблена работа па збліжэнні пазіцый. «У працэнтах ацэньваць гэта складана, але тое, што пазіцыі збліжаюцца, гэта безумоўна так. Нам трэба сёння прайсціся па ўсіх пытаннях, якія застаюцца, дзе гэта будзе магчыма — проста цяпер вызначыцца, нейкія пытанні адкласці на іншыя кансультацыі», — дадаў ён.
Цяпер чытаюць
Стала вядома, дзе працуе фаварытка Лукашэнкі Уладлена Зайцава18
Каментары