З 15 студзеня латвійскія школы пачалі прымаць дакументы ад бацькоў будучых першакласнікаў.
Апошні тэрмін падачы дакументаў – 1 красавіка.
Чакаюць будучых вучняў і ў Рыжскай Беларускай асноўнай школе.
З гэтае нагоды – некалькі пытанняў да дырэктара Рыжскай Беларускай асноўнай школы Ганны Уладзіславаўны Іванэ.
– Ці ёсць нейкія патрабаванні да будучых вучняў? Маецца на ўвазе, штосьці накшталт прыёмных экзаменаў...
– Такая праверка недазваляецца законам. Таму, калі вашаму дзіцятку прыйшоў час ісці ў школу – а згодна закона «Аб агульнай адукацыі» ў першы клас залічваюцца дзеці, якім у гэтым годзе споўнілася сем гадоў – калі ласка, да нас у школу!
– А калі дзіця не ведае ніводнага беларускага слова...
– Якраз для гэтага і існуе наша школа, каб навучыць дзяцей беларускай мове. І не толькі беларускай, але і латышскай, расейскай, ангельскай. Добра, калі будучы першакласнік займаўся ў падрыхтоўчай групе нашай школы. Тут для будучых нашых вучняў наладжаны заняткі па беларускай мове, а таксама яны знаёмяцца з латышскай і ангельскай мовамі, якія ў школе выкладаюцца ўжо з першага класа. Заняткі ў падрыхтоўчай групе ў нашай школе пачаліся з кастрычніка мінулага года. І на сённяшні дзень група цалкам укамплектавана.
– Ці не здарыцца так, што, калі дзіця не наведвала падрыхтоўчую групу, вы можаце адмовіць яму ў прыёме...
– Такіх абмежаванняў не прытрымліваемся. Не існуе і этнічнага крытэрыю.
Галоўны крытэрый – цікавасць да беларускай культуры, мовы, традыцый – таго, што мы звыкла называем беларушчызнай.
- Ці з'явіліся ўжо першыя жадаючыя вучыцца менавіта ў беларускай школе?
- Так, на сёняшні дзень у нас ужо маецца 15 чалавек, якія выказалі жаданне стаць вучнямі нашай школы. Астатнім - раю паспяшацца.
***
Адрас Рыжскай Беларускай асноўнай школы:
Рыга, вул. Келдыша, 4
Тэлефон для даведак у Рызе: 724-75-45
Бабарыка тры хвіліны адказваў на пытанне, чый Крым. Так і не адказаў89
Каментары