Расійскія ўлады свядома не пайшлі на аднамомантную дэвальвацыю нацыянальнай валюты, заявіў прэм’ер‑міністр краіны Уладзімір Пуцін у інтэрв’ю інфармацыйнаму агенцтву Блумберг.
Расійскія ўлады свядома не пайшлі на рэзкае аслабленне нацыянальнай валюты, заявіў прэм’ер‑міністр краіны Уладзімір Пуцін у інтэрв’ю інфармацыйнаму агенцтву Блумберг.
«Што тычыцца аслаблення нацыянальнай валюты, што тычыцца рэзерваў, мы ж не зрабілі так, як у некаторых краінах зрабілі. Мы не «грохнулі» нацыянальную валюту з сёння на заўтра. Мы гэта ўсё рабілі плаўна і акуратна», — цытуе вытрымкі з інтэрв’ю прэм’ер‑міністра Расіі РІА Новости.
«Свядома пайшлі на тое, каб траціць золатавалютныя рэзервы, даць магчымасць удзельнікам эканамічнай дзейнасці, уключаючы і грамадзян, усвядоміць працэсы, якія адбываюцца, і прыняць адпаведныя рашэнні:каму куды пайсці, у якую валюту, у рублях застацца, пайсці ў долары, у еўра, яшчэ нешта зрабіць, сысці ў нерухомасць, і гэтак далей», — падкрэсліў У.Пуцін.
З лістапада 2008 года, калі Цэнтрабанкам Расіі было прынята рашэнне аб «плаўным» аслабленні нацыянальнай валюты, расійскі рубель аслабеў да бівалютнага кошыка больш чым на 23% (з 30,40 рубля). Паскораная дэвальвацыя ў першы працоўны тыдзень 2009 года справакавала маштабныя спекуляцыі, у выніку Банку Расіі давялося прадаць з міжнародных рэзерваў, паводле ацэнак экспертаў, каля 35 млрд. долараў.
У канцы мінулага тыдня Цэнтрабанк аб’явіў пра заканчэнне перыяду паскоранай дэвальвацыі і ўстанавіў верхнюю мяжу бівалютнага кошыка, які на 55% складаецца з долара і на 45% з еўра, на ўзроўні 41 рубля, што адпавядае прыкладна 36 рублям за долар. Эксперты прагназуюць, што курс расійскага рубля будзе працягваць зніжэнне і да сярэдзіны лютага можа наблізіцца да верхняй мяжы калідора.
У Беларусі ўладамі было прынята рашэнне аб правядзенні рэзкай дэвальвацыі беларускага рубля. З 2 студзеня афіцыйны курс нацыянальнай валюты ўпаў адразу на 20,5% у дачыненні да долара ЗША, еўра і расійскага рубля.
Эксперты зазначаюць, што рэзкая дэвальвацыя спарадзіла ў Беларусі моцны недавер насельніцтва да эканамічных заяў уладаў, нацыянальнай валюты, выклікала імклівы рост цэн, адток укладаў і шэраг іншых негатыўных сацыяльных наступстваў.
Прэзідэнт Аляксандр Лукашэнка, калі наведваў 13 студзеня мінскае прадпрыемства «Белкамунмаш», у дачыненні да праведзенай дэвальвацыі заявіў: «Мы адкрыта сказалі, чаму дэвальвавалі валюту. І пытанне не толькі ў МВФ. Для мяне галоўнае — захаваць вытворчасць. Няхай нават мы недзе зарплату крыху недаатрымаем, гэта ж год‑паўтара. А далей што? Захаваць вытворчасць. І людзей на гэтых вытворчасцях. А не гэтыя рублі там, курсы і г.д.».
«Што тычыцца дэвальвацыі, то якая тут небяспека для чалавека? Кажуць, цэны падскочаць. Але ў свеце цяпер ідзе тэндэнцыя падзення цэн, — сказаў А.Лукашэнка. — Людзі няхай самі робяць высновы ў гэтай сітуацыі. Гэта іх справа абменьваць ці не абменьваць. Тут няма ніякага падману, няма ніякай выгоды з боку дзяржавы. Наша выгода — у захаванні вытворчасці, таму што гэта працоўныя месцы, гэта людзі».
Каментары