Каля рэстарана «Паедзем, паядзім» 3 ліпеня затрымалі старшыню «Маладога фронту» Дзяніса Урбановіча, а таксама актывістаў арганізацыі Іларыёна Трусава і Віталя Трыгубава, імя яшчэ аднаго хлопца невядомае. Пра гэта «НН» паведаміў кіраўнік хрысціянскай дэмакратыі Павел Севярынец.
Фота Пятра Рабушкі.
Юнакі прыйшлі да рэстарана з бервяном, перагарадзіўшы ўезд у ядальню. У выніку ўтварыўся затор з некалькіх аўтамабіляў. Агулам хлопцы прастаялі так каля гадзіны. Пасля іх затрымалі супрацоўнікі АМАП.
Акцыя была прымеркаваная да афіцыйнага Дня Незалежнасці.
Каментары