35-гадовы жыхар Браслава да раніцы адпачываў у мясцовым кафэ. Дабрацца самастойна дадому ўжо не мог і вырашыў папрасіць падвесці яго выпадковага кіроўцу, паведамляе міліцыя.
Той доўга не згаджаўся, але ў рэшце рэшт пагадзіўся. Даехаўшы да месца прызначэння, пасажыр папрасіў кіроўцу пачакаць аплату і сышоў дадому. Вярнуўшыся, прынёс у якасці аплаты шампур з шашлыком.
Разлік кіроўцу не задаволіў, паміж імі завязалася сварка. Пасажыр праткнуў шампурам абшыўку столі салона. Кіроўца спалохаўся і ўцёк, а п'яны дэбашыр стаў біць нагамі, скакаць на даху і капоце машыны.
Затым мужчына пайшоў дадому. Не сустрэўшы там сваёй сужыцелькі, адправіўся на яе пошукі. Па дарозе яго ўвагу прыцягнуў дом суседкі, дзе часам бывала яго сяброўка. Хуліган узяў камяні і стаў кідаць іх у вокны, разбіў імі пяць шклопакетаў. Перапалоханая гаспадыня выклікала міліцыю, якая і ўтаймавала дэбашыра.
Завялі крымінальную справу па артыкуле «Хуліганства».
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары