Данія можа ўзмацніць кантроль на мяжы са Швецыяй пасля выбуху ў Капенгагене
Урад Даніі разглядае пытанне пра ўзмацненне кантролю на мяжы са Швецыяй пасля выбуху ля ўрадавай установы ў Капенгагене, перадае Reuters.
«Мы разгледзім магчымасць аховы нашай мяжы са Швецыяй лепшым і больш разумным спосабам», — сказала прэм'ер Даніі Метэ Фрэдэрыксен.
Данія і Швецыя злучаныя Эрэсунскім мостам праз 16-кіламетровы праліў. Тысячы грамадзян штодня перасякаюць мяжу на цягніку або аўтамабілі.
«У нас не можа быць такога, што вы можаце прыехаць са Швецыі ў Данію і размясціць выбухоўку ў цэнтры нашай сталіцы», — сказала Фрэдэрыксен.
У сераду дацкая паліцыя заявіла, што арыштавала 22-гадовага грамадзяніна Швецыі і выдала міжнародны ордар на арышт яшчэ аднаго шведа ў сувязі з выбухам ля ўваходу ў будынак падатковай службы ў Капенгагене.
Выбух прагрымеў у ноч на 7 жніўня, адзін чалавек атрымаў раненні.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары