Курдскія фарміравання пакінулі бяспечную зону ў Сірыі, паведаміў віцэ-прэзідэнт ЗША Майк Пенс падчас выступу на вечары Heritage Foundation, трансляцыя якога вялася ў Twitter-акаўнце палітыка, піша rbc.ru.
Пенс паведаміў, што ад камандуючага Дэмакратычнымі сіламі Сірыі раней быў атрыманы ліст, у якім ён паведаміў пра вывад усіх фарміраванняў з бяспечнай зоны пад кантролем турэцкага боку. Ён адзначыў, што цяпер ёсць магчымасць для пастаяннага, «трывалага прымірэння».
Раней аб завяршэнні вываду курдскіх баевікоў з «бяспечнай зоны» паведаміла Мінабароны Турцыі. У ведамстве заявілі пра завяршэнне ваеннай аперацыі, адзначыўшы, што цяпер няма неабходнасці ў наступнай.
Турцыя праводзіла ваенную аперацыю ў Сірыі супраць курдскіх паўстанцаў з 9 кастрычніка. Супраць яе дзеяньняў выказаліся ЗША і шэраг еўрапейскіх краін. 17 кастрычніка Вашынгтон і Анкара дамовіліся аб перамір'і: за 120 гадзін курды павінны былі пакінуць прылеглыя да Турцыі тэрыторыі на поўначы Сірыі, а Злучаныя Штаты наўзамен абавязаліся адмяніць санкцыі супраць Анкары за правядзенне ваеннай аперацыі.
22 кастрычніка прэзідэнт Расіі Уладзімірам Пуцін і яго турэцкі калега Рэджэп Таіп Эрдаган правялі перамовы, па выніках якіх быў прыняты мемарандум аб узаемаразуменні па сітуацыі ў Сірыі.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці44
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары