Качанава: Пакаранне за наркотыкі павінна быць справядлівым і сувымерным
Пакаранне за наркагандаль павінна быць справядлівым, каб яно ўлічвала кожную індывідуальную сітуацыю. Такое меркаванне выказала кіраўнік адміністрацыі прэзідэнта Наталля Качанава ў эфіры БТ-1.
«Жанчыны з руху «Маці 328», з якімі я сустракалася, ведаюць, што іх дзеці здзейснілі злачынства і вінаватыя, яны разумеюць, што дзеці павінны быць пакараныя. Але пакаранне павінна быць сувымерным і адэкватным злачынству. Бо галоўнае ў палітыцы нашай краіны і у палітыцы прэзідэнта — гэта справядлівасць», — лічыць Наталля Качанава.
Таксама яна пагадзілася з тым, што ў некаторых сітуацыях можна індывідуальна падысці да пакарання. «Што тычыцца моладзі (непаўналетніх хлопцаў, якія па волі лёсу былі ўцягнутыя ў злачынства), то тут трэба індывідуальна падыходзіць. Кіраўнік дзяржавы паставіў задачу разабрацца дэталёва па ўсіх пытаннях і ў самыя кароткія тэрміны ўнесці прапановы на разгляд прэзідэнта», — патлумачыла яна.
У той жа час павінна весціся прафілактычная праца ў гэтым кірунку, прычым комплексна і з боку адразу некалькіх ведамстваў.
Цяпер чытаюць
Стала вядома, дзе працуе фаварытка Лукашэнкі Уладлена Зайцава18
Каментары