Дзяржсакратар ЗША Майк Пампеа заявіў у пятніцу, што блок НАТА павінен або вырасці і змяніцца, або ён рызыкуе стаць састарэлай і неэфектыўнай арганізацыяй. Як піша «Еўрапейская праўда» са спасылкай на Reuters, пра гэта ён сказаў падчас сесіі пытанняў і адказаў пасля выступу ў Берліне.
«Праз семдзесят гадоў НАТА мае патрэбу ў пашырэнні і змяненні. НАТА трэба супрацьстаяць сённяшнім рэаліям і выклікам сучаснасці», — сказаў Пампеа.
«Калі краіны думаюць, што яны могуць атрымаць выгаду для бяспекі, не вылучаючы НАТА неабходныя рэсурсы, калі яны не выконваюць сваіх абавязкаў, існуе рызыка таго, што НАТА можа стаць неэфектыўнай або састарэлай (арганізацыяй)», — дадаў ён.
Каментары