Вярхоўны суд не адмяніў смяротнае пакаранне забойцу дзвюх пенсіянерак
Вярхоўны суд не адмяніў смяротны прысуд вынесены Віктару Паўлаву, асуджанаму за жорсткае забойства двух чалавек. Пра гэта паведаміла ў фэйсбуку прэс-сакратар Вярхоўнага суда Юлія Ляскова.
Паўлаў і яго абаронцы падавалі апеляцыю на прысуд Віцебскага абласнога суда ад 30 лiпеня 2019 года.
Мужчына забіў у вёсцы Прысушына на Віцебшчыне дзвюх пенсіянерак — 78 і 76 гадоў. Паўлаў рамантаваў будынак у іх гаспадарцы і палічыў, што жанчыны недаплацілі яму пэўную суму. Самі ж яны казалі, быццам кармілі яго абедамі на тыя ж грошы. Разлютаваны мужчына забіў абедзвюх пенсіянерак паленам.
У сваёй апеляцыі Паўлаў звяртаў увагу на яўку з павіннай і актыўнае супрацоўніцтва са следствам.
Суд не ўзяў пад увагу довады Паўлава і яго адвакатаў ды пацвердзіў смяротны прысуд.
Каментары