На Акцыі Любові 14 лютага затрыманьняў і арыштаў не было, аднак спэуслужбы ціснуць на маладафронтаўцаў, што бралі ўдзел у выступе, праз органы адукацыі.
24 лютага непаўналетнім сябрам Маладога Фронту Алёне Паляшчук, Яраславу Лыскаўцу і Марыі Мароз патэлефанавала жанчына, якая прадставілася супрацоўніцай Камітэту адукацыі.
«Спадарыня адразу зазначыла, што шмат чаго ведае пра маю вучобу: школу, клас, назвала нават колькасьць маіх аднакласнікаў. Яна запытала, што я рабіла на плошчы 14 лютага. Калі я адказала, што адпачывала зь сябрамі, сказала: «Калі ты проста шпацыравала зь сябрамі і ня маеш дачыненьня да акцыі, табе моцна пашанцавала…», — распавядае Алена Паляшчук.
Супрацоўніца «Камітэту адукацыі» папярэдзіла маладафронтаўку, што Камітэт дашле запыт у школу, дзе навучаецца Алена Паляшчук, на характарыстыку дзяўчыны і зладзіць праверку па гэтым факце.
Такая ж сытуацыя паўтарылася зь Яраславам Лыскаўцом і Марыяй Мароз. Бацькам Яраслава, якія паднялі тэлефонную трубку, параілі заняцца «годным» выхаваньнем сына і паведамілі, што зараз адміністрацыя школы будзе пільна сачыць за маладафронтаўцам.
Марыі Мароз прыгразілі выключэньнем са школы за «ганебныя» паводзіны.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары