Беларусам рэкамендуюць не наведваць Францыю ад заўтра: там чакаецца транспартны калапс ды іншыя праблемы
5 снежня ў Францыі, у тым ліку ў Парыжы, павінен пачацца бестэрміновы агульнанацыянальны страйк, удзельнікамі якога стануць работнікі транспарту (чыгуначнага, авіяцыйнага, грамадскага і аўтамабільнага), энергетыкі, выкладчыкі, адвакаты, паліцыянты, студэнты і г.д.
Пасольства Беларусі ў Францыі рэкамендуе адмовіцца ад наведвання краіны ў гэты час.
Як чакаецца, рух грамадскага транспарту будзе прыпынены. Многія ўстановы будуць зачыненыя. Гэта істотна паўплывае на паўсядзённае жыццё жыхароў і гасцей Францыі, гаворыцца ў інфармацыі пасольства.
Дыпмісія рэкамендуе адмовіцца ад наведвання краіны ў гэты перыяд, а пры знаходжанні ў Францыі, па магчымасці, заставацца дома, напярэдадні зрабіць неабходныя запасы харчавання і паліва. Таксама рэкамендуецца выконваць павышаныя меры асабістай бяспекі і пазбягаць наведвання месцаў масавага збору людзей.
Прычынай страйку стала запланаваная рэформа пенсійнай сістэмы. Як адзначаюць прафсаюзы, грамадскі рух можа стаць самым буйным з 1995 года і працягнуцца да Калядаў.
Каментары