Biełarusam rekamiendujuć nie naviedvać Francyju ad zaŭtra: tam čakajecca transpartny kałaps dy inšyja prablemy
5 śniežnia ŭ Francyi, u tym liku ŭ Paryžy, pavinien pačacca biesterminovy ahulnanacyjanalny strajk, udzielnikami jakoha stanuć rabotniki transpartu (čyhunačnaha, avijacyjnaha, hramadskaha i aŭtamabilnaha), enierhietyki, vykładčyki, advakaty, palicyjanty, studenty i h.d.
Pasolstva Biełarusi ŭ Francyi rekamienduje admovicca ad naviedvańnia krainy ŭ hety čas.
Jak čakajecca, ruch hramadskaha transpartu budzie prypynieny. Mnohija ŭstanovy buduć začynienyja. Heta istotna paŭpłyvaje na paŭsiadzionnaje žyćcio žycharoŭ i haściej Francyi, havorycca ŭ infarmacyi pasolstva.
Dypmisija rekamienduje admovicca ad naviedvańnia krainy ŭ hety pieryjad, a pry znachodžańni ŭ Francyi, pa mahčymaści, zastavacca doma, napiaredadni zrabić nieabchodnyja zapasy charčavańnia i paliva. Taksama rekamiendujecca vykonvać pavyšanyja miery asabistaj biaśpieki i paźbiahać naviedvańnia miescaŭ masavaha zboru ludziej.
Pryčynaj strajku stała zapłanavanaja reforma piensijnaj sistemy. Jak adznačajuć prafsajuzy, hramadski ruch moža stać samym bujnym z 1995 hoda i praciahnucca da Kaladaŭ.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary