Арганізатары пратэстаў у Мінску заявілі, што калона дэманстрантаў рушыць да пасольства Расіі. Арганізатары хочуць перадаць туды рэзалюцыю мітынга.
Вось ён:
«Мы, грамадзяне Республікі Беларусь, выказваем свой катэгарычны пратэст супраць т. зв. «глыбокай інтэграцыі» з Расейскай Федэрацыяй, падпісання «дарожных картаў», і заяўляем аб нелегітымнасці любых пагадненняў, якія падпішуць прадстаўнікі сённяшніх кіруючых рэжымаў Рэспублікі Беларусь і РФ. Усе дамовы, сакрэтныя пратаколы пад прыкрыццём «саюзнай дзяржавы» падпісаныя дыктатарамі Лукашэнка і Пуціным і іх давераным асобамі, не будуць вызнавацца намі, грамадзянамі Рэспублікі Беларусь, і мы не будзем ім падпарадкоўвацца.
Заклікаем міжнародную супольнасць праявіць салідарнасць з беларускім народам, прызнаць нелегітымнымі любыя пагадненні між дыктатарскімі рэжымамі Лукашэнкі і Пуціна ў межах т.зв. «саюзнай дзяржавы» і ўвесці дадатковыя санкцыі ў выпадку падпісання гэтых пагадненняў.
Беларускаму народу трэба не нейкія «саюзы» з краінай-агрэсарам, а вяртанне правоў і свабодаў, прапісаных у нашай Канстытуцыі, у тым ліку — права абіраць уладу.
У беларускага народа хопіць сілаў абараніць Незалежнасць і дамагчыся вяртання сваіх правоў і свабодаў.
Свабоду не спыніць!
Незалежнасць — гэта шлях да Свабоды!
Жыве Беларусь!»
Другі дзень пратэстаў. Больш за 500 дэманстрантаў рушаць па да пасольства Расіі АНЛАЙН, ФОТЫ, ВІДЭА
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары