У Беларусі выбралі найлепшыя прадукты харчавання. Кампанія «Санта Брэмар» стала пераможцам прэміі «Народная марка» ў дзвюх намінацыях. Самым папулярным марозівам аказалася «Юкі», а сярод мясных паўфабрыкатаў не было роўных пяльменям «Бабуля Аня».
Любімыя прадукты беларусаў вызначыла народнае галасаванне. У ім паўдзельнічалі прадстаўнікі ўсіх рэгіёнаў, узроставых і сацыяльных груп. Арганізатары распаўсюдзілі каля 3 мільёнаў анкет і апыталі 2653 чалавекі. Рэспандэнтаў прасілі не проста выбраць варыянты са спісу, а без падказак назваць любімыя маркі. Гэта дазволіла вызначыць тавары, якія беларусы выбіраюць самі і рэкамендуюць іншым.
Даследаванне паказала, што сярод марозіва з вялікім адрывам лідзіруе «Юкі». Яно апынулася любімай маркай амаль ва ўсіх рэгіёнах краіны. Другое месца займае Soletto, трэцяе - «ТОП». Найлепшымі замарожанымі мяснымі паўфабрыкатамі сталі пельмені «Бабуля Аня». Іх назваў амаль кожны трэці рэспандэнт.
«Народную марку» у Беларусі вызначаюць ўжо сёмы год. Апытанне праводзіцца па ўсёй краіне па рэпрэзентатыўнай выбарцы з улікам партрэта беларускага пакупніка. Каля 62% рэспандэнтаў склалі жанчыны, а 38% — мужчыны. Больш за ўсё апытаных (37,28%) прыйшлося на спажыўцоў ва ўзросце ад 25 да 34 гадоў. Звыш 73% рэспандэнтаў маюць вышэйшую адукацыю, а больш за палову — зарабляюць больш за 700 рублёў у месяц.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно6
Каментары