Японскі мільярдэр шукае спадарожніцу для палёту на Месяц: у яго ёсць шэраг патрабаванняў
Японскі мільярдэр Юсаку Маэдзава, першы касмічны турыст, які павінен адправіцца на караблі SpaceX на Месяц, абвясціў пра пошук спадарожніцы для сумеснага палёту, піша РБК.
У сваім твітары мужчына размясціў спасылку на японскі стрымінгавы сэрвіс Abema TV, які будзе трансляваць дакументальнае шоу, прысвечанае працэсу пошуку. Там жа можна падаць заяўку на ўдзел. Адзначаецца, што прэтэндэнткі — адзінокія жанчыны ва ўзросце ад 20 гадоў, павінны цікавіцца палётамі ў космас і мець магчымасць удзельнічаць у падрыхтоўцы да іх. Таксама ў патрабаванні паказана, што кандыдаткі павінны быць «заўсёды пазітыўныя» і жадаць міру ва ўсім свеце.
Заяўкі на ўдзел прымаюцца да 17 студзеня, праз паўтары тыдня пасля гэтага Маэдзава пачне разглядаць кандыдатуры. У лютым і сакавіку мільярдэр правядзе сустрэчы з патэнцыяльнымі спадарожніцамі, а з канчатковым выбарам ён вызначыцца да канца сакавіка.
Маэдзаве 44 гады. Па словах бізнэсмена, «самота і пустэча паступова перамагаюць» яго, і ён паставіў перад сабой мэту — «увесь час кахаць толькі адну жанчыну». Ён адзначыў, што хоча разам з будучай партнёркай «пракрычаць пра каханне і мір ва ўсім свеце з космасу».
Цяпер чытаюць
Лосік расказаў, як Бабарыку катавалі ў наваполацкай калоніі25
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары