Руслан памёр раніцай 19 студзеня, паведаміў у сваім фэйсбуку Яўген Калмыкоў.
Руслан Уладыка, вядомы пад мянушкай «Пан», быў у ліку заснавальнікаў гурту «Ляпіс Трубяцкі» і няспынна выступаў з гуртом да распаду таго ў 2014 годзе. Пасля роспуску «Ляпісаў» стаў граць у праекце Trubetskoy з Паўлам Булатнікавым і Аляксандрам Старажуком.
Ад 6 чэрвеня 2019 года Руслан знаходзіўся ў коме.
У той вечар ён ішоў ад сястры. Побач з домам у Дражні, зайшоў у бар, прабыў там нейкі час, выйшаў. На відэа з камер назірання было бачна, як да Руслана падышоў чалавек, які да гэтага сядзеў за суседнім столікам побач з трыма сябрамі.
Неўзабаве Уладыку даставілі ў рэанімацыю. Са слоў сястры Уладыкі, пры сабе Руслан меў барсетку, у якой былі грошы, банкаўскія карткі, мабільны тэлефон. У рэанімацыю музыку даставілі без асабістых рэчаў.
Па факце атрымання Русланам Уладыкам цялесных пашкоджанняў Партызанскі РАСК г. Мінска завёў крымінальную справу.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары