Шалёны сабака напаў на пенсіянера ў Капыльскім раёне. Жывёлу прыйшлося застрэліць
У чацвер, 30 студзеня ў міліцыю патэлефанаваў 70-гадовы жыхар вёскі Стары Капыль. Ён распавёў, што па двары яго дома бегае буйны сабака, які ўжо ўкусіў мужчыну за руку.
На месца выехалі участковы, экіпаж ДАІ і супрацоўнікі ЖКГ. Сабаку спрабавалі злавіць, адвесці з двара. Але жывёла паводзіла сябе агрэсіўна.
Камунальнікі спрабавалі ўсыпіць сабаку, выпусціўшы ў яго з пнеўматычнага пісталета чатыры дроцікі са снатворным, але гэта не дало належнага эфекту, а толькі яшчэ больш раз'юшыла жывёлу.
Калі міліцыянеры ў чарговы раз наблізіліся, сабака кінуўся на ўчастковага інспектара міліцыі. Для абясшкоджання жывёлы міліцыянер ужыў табельную зброю.
Пацярпелага пенсіянера з ранай кісці даставілі ў бальніцу. Труп сабакі адправілі на ветстанцыю для правядзення адпаведнай экспертызы.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары