Улады Ганконга западозрылі, што каранавірус можа распаўсюджвацца па каналізацыйных трубах
Улады Ганконга западозрылі, што каранавірус COVID-19 можа распаўсюджвацца па каналізацыйных трубах, піша CNN.
У адным з жылых комплексаў здарыўся дзіўны інцыдэнт. Адной з заражаных аказалася 62-гадовая жанчына, якая не наведвала Ухань, які стаў цэнтрам эпідэміі, і не кантактавала з іншымі інфіцыраванымі. Адзінай магчымай крыніцай заражэння быў прызнаны 75-гадовы мужчына, які трапіў у бальніцу тыднем раней. Паводле папярэдняй інфармацыі, мужчына і жанчына не былі знаёмыя, аднак праз іх кватэры праходзіў адзін і той жа каналізацыйны стаяк.
Паколькі заражэнне праз сістэму каналізацыі ў Ганконгу ўжо адбывалася падчас успышкі атыповай пнеўманіі ў 2002 годзе, улады на ўсялякі выпадак эвакуявалі частку жыхароў дома і пачалі правяраць сістэму водазабеспячэння і каналізацыі.
Аказалася, што ў адной з кватэр была самастойна перароблена каналізацыйная труба. У выніку няправільна створанай канструкцыі паветра з унітаза магло выходзіць вонкі. А паколькі, як лічаць эксперты, вірус можа перадавацца праз экскрэменты, цалкам магчыма, што такім чынам ён і перайшоў з адной кватэры ў іншую.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары