За спробу даць хабар для арганізацыі кантрабанды тытуню беларус, затрыманы на ўкраінска-беларускай мяжы, можа быць асуджаны на тэрмін да 8 гадоў пазбаўлення волі, піша «Радыё Свабода».
Грамадзянін Беларусі дамовіўся з украінскім памежнікам аб увозе ва Украіну вялікай партыі цыгарэт за хабар у памеры 7,5 тысячы грыўняў (больш за 300 даляраў у эквіваленце), але пры перадачы першай часткі грошай ён быў затрыманы. Другую частку ён абяцаў перадаць пасля рэалізацыі цыгарэт на ўкраінскай тэрыторыі, калі будзе вяртацца ў Беларусь.
Перадаючы хабар, беларус зразумеў, што яго затрымліваюць, і спрабаваў уцячы. Гэта прывяло да жорсткага затрымання:
Інцыдэнт адбыўся на ўкраінскім памежным пасту «Гарадзішча» ў Дубровіцкім раёне Ровенскай вобласці.
Грамадзянін Беларусі схаваў пад абшыўку ў салоне свайго аўтамабіля 2160 пачак цыгарэт. Як паведамілі ў адміністрацыі Дзяржаўнай памежнай службы Украіны, у дачыненні да беларуса завялі крымінальную справу па факце спробы даць хабар службовай асобе. Паводле ўкраінскага заканадаўства такія дзеянні караюцца пазбаўленнем волі ад 4 да 8 гадоў з канфіскацыяй маёмасці або без яе.
Адначасова следчыя рэгіянальнай паліцыі правялі шэраг ператрусаў у месцах, куды беларус планаваў даставіць тытунь. У некалькіх з іх знайшлі цыгарэты беларускай вытворчасці без акцызных марак.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Мінгандлю выпадкова зліло дакумент, у якім паказала, як і за што налічвае прэміі11
Каментары